Sa puso ng Pilipinas, hindi lamang tayo biniyayaan ng mayamang kasaysayan at kultura, kundi pati na rin ng likas na yaman na nagtataguyod ng ating kalusugan at kagalingan. Ang turismo ay hindi lamang pagtuklas sa ganda ng ating bansa, kundi isang mahalagang susi sa pagpapabuti ng ating mental at pisikal na kalusugan.
Mga Aktibidad na Nagtataguyod ng Kalusugan
Ang pagsali sa mga aktibidad tulad ng Zumba at ballroom dancing ay hindi lamang nakakatulong upang manatiling aktibo, ngunit nagbibigay din ng kasiyahan at inspirasyon. Kamakailan dumalo ako sa sayawan na isinigawa ng National League of Ballroomers Inc. Kasama ko dyan mga propesyonal na mga mananayaw at mga kababaihan, kalalakihan, at maging mga miyembro ng LGBTQIA+ na kilala sa lipunan bilang mga doktor, guro, negosyante at marami pang iba na ang gagaling din talagang sumayaw.
Hilot: Tradisyonal na Paggamot
Ang hilot, isang sinaunang sining ng pagpapagaling, ay patuloy na kinikilala at ginagamit hanggang ngayon. Sa kabila ng pag-unlad ng siyensya at medisina, ang hilot ay nananatiling isang mahalagang bahagi ng ating kultura. Sa tulong ng TESDA at DOH, ang hilot ay propesyonal na ngayong isinasagawa at tinuturuan upang masiguro ang kaligtasan at kahusayan ng paggamot. Meron tayong mga Bone Setter at Chiropractor, tila trending na ang video ng mga nagpapatunog ng buto, hindi man tayo sanay sa mga ganyan noon ngunit dahil ito ay pinagdalubhasaan na, kaya marami na ang naghahanap nito. Nandyan nakilala ang Cooltura Healing Center ng inyong lingkod. Mahilig kasi ang aking pamilya sa hilot, ako man ay laki sa hilot. Malakas makagaan ng pakiramdam ang masahe lalo na kung maalis ang iyong stress.
Likas na Yaman at Turismo
Ang Pilipinas, na mayaman sa likas na yaman at kahanga-hangang destinasyon, ay nag-aalok ng maraming benepisyo para sa kalusugan at kagalingan. Ang ating mga kabundukan, karagatan, at iba pang natural na atraksyon ay hindi lamang magagandang tanawin, kundi mga lugar din na nagbibigay ng kapayapaan at pagkakataon para sa pagpapahinga at pagpapagaling.
Sa pagtuklas at pagpapahalaga sa ating mga yaman, hindi lamang natin pinapayabong ang turismo, kundi pati na rin ang ating kalusugan at kagalingan. Maging ito man ay sa pamamagitan ng pagsayaw, pagtuklas sa kasaysayan, o tradisyonal na hilot, ang Pilipinas ay tunay na isang bansang mayaman hindi lamang sa kultura, kundi pati na rin sa mga paraan upang mapanatili ang isang malusog at masiglang pamumuhay.
Coolturahub.com 
Leave a comment